 |
| Krista Miller on Aquino and Abunda Tonight Courtesy of Michael Howard https://www.flickr.com/photos/michaelhoward836/ Direct URL of image: https://www.flickr.com/photos/michaelhoward836/14211331297/ License: https://creativecommons.org/licenses/by/2.0/legalcode |
Krista Miller, na sa kasalukuyan ay nasa isang kontrobersiyal na namang isyu kung saan nakunan ng CCTV ang pagbisita niya sa drug lord na si Ricardo Camata sa ospital, ay sinabing nasasaktan siya kapag tinatawag siyang starlet.
Sa interview niya sa Aquino & Abunda Tonight noong Martes ay dinepensahan ni Miller ang kanyang sarili sa diumanong mga kumakalat na tsismis na maliban sa pagbebenta ng real estate ay diumano binebenta rin niya ang kanyang katawan.
Sinabi ni Krista na hindi siya ganoong klaseng babae. Hindi raw mangyayari na ibenta niya ang kanyang sarili kasabay ng pagbebenta niya ng condo kung saan marami daw siya talagang mga kliyenteng nagooffer ng indecent proposal kung saan ito ay kaagad niyang tinatanggihan.
Sa isa namang press conference, nasabi ni Miller na nagsimula siyang maging ahente ng real state noong Enero pero siya ay nasa 'red line' na ng dalawang buwan dahil hindi niya naabot ang kanyang monthly sales quota.
Sinabi rin ni Miller na ayaw niyang matawag na 'starlet' dahil ang totoong kahulugan daw ng starlet ay yung mga artistang pasimula pa lamang. Balang araw daw ay makikilala din siya bilang isang aktres. Pero sa pinagdadaanan daw ni Krista ngayon, siya daw ay isang matatag na babae.
0 comments:
Post a Comment