Joey De Leon Tweets About Typhoon Ruby Attacking Korina Sanchez?

Tila pinatamaan ng veteran comedian-TV host na si Joey de Leon ang newscaster na si Korina Sanchez kaugnay ng komento ng huli na sana ay lumihis ang bagyong Ruby sa Japan.

Hindi pinangalanan ng Eat Bulaga! host kung sino ang pinatutungkulan niya.

Dun sa mga umaasa na lumihis ang bagyo at dumiretso na lang sa Japan eh WAG NAMAN. Pwede namang HUMINA na lang katulad ng utak nung umasa!
— Joey de Leon (@AngPoetNyo) December 8, 2014

Ngunit kamakailan lang ay naging usap-usapan sa social media ang mga binitiwang salita ni Korina sa TV Patrol noong December 3.

Sabi ni Korina, nang ihayag ng kanyang co-anchor na si Noli de Castro na parehong apektado ang Pilipinas at Japan ng bagyong Ruby, sinabi ni Korina na kung puwede sa Japan na lang lahat?

Umapela ang co-anchor ni Korina na “huwag naman” sanang bagyuhin nang todo ang Japan.

Sagot ulit ni Korina, na sa kanila na lang lahat dahil parang kaya naman daw nila.

Base sa komento ng Twitter followers ni Joey, agad nilang pinangalanan si Korina na siya diumanong pinatututsadahan ng Eat Bulaga! host.

Sa mga sumunod niyang tweets nitong December 9, tila nagbigay ng clue si Joey na may kaugnayan sa news reportage ni Korina ang mga pasaring niya.

Read More

Joey De Leon Reveals Helping Willie Revillame's Game Show To Be Aired On GMA

Isiniwalat ni Joey de Leon nitong Biyernes sa noontime show na Eat Bulaga! na nagtutulong sila ng newscaster na si Mike Enriquez para mapanood sa GMA-7 ang sikat na game show noon ni Willie Revillame.

Sa pagsisimula ng segment ng Eat Bulaga! na "Sugod-Bahay," binati ni Joey si Willie na tinawag niyang "pare" na nanonood umano ng mga sandaling iyon.

Kabilang si Mike sa mga anchor ng 24 Oras—kasama sina Mel Tiangco at Vicky Morales—na nagpapanood tuwing 6:30 P.M.

Sinabi naman ni Senator Tito Sotto, na katabi ni Joey sa Eat Bulaga!, na ang nabanggit na oras na planong ilaan sa programa ni Willie ay time slot ng isang sikat na programa noon na Oras Ng Ligaya.

Idinagdag pa ni Joey na sinabi niya kay Willie na ang Eat Bulaga! dabarkads ang bahalang mag-promote ng magiging programa nito sa GMA-7 sa hapon, dahil mauunang silang mapapanood sa longest-running noontime show sa bansa.

Dating napanood ang Wowowee ni Willie sa ABS-CBN.

Nang lumipat ang host sa TV5, tinawag na Wil Time Big Time ang kanyang game show, at pinalitan ng Wowowillie na huling umere noong Oktubre 2013.

Matatandaan na nagkaroon ng iringan noon sina Joey at Willie pero natuldukan din nang surpresahin ni Willie si Joey sa show nitong Startalk noong Oktubre 2012.

Sa isang panayam noon, sinabi ni Joey ang malaking paghanga niya kay Willie na umasenso sa buhay matapos ang mga pinagdaanang hirap.

Inalala naman ni Willie ang ilang pelikula na pinagsamahan nila ni Joey noong nagsisimula pa lang siya sa showbiz, kabilang na ang Barbie at Sam and Miguel.

Read More