Vice Ganda Opens Up To Housemates During His Brief Visit Inside PBB House

'I am proud to say na mukha akong kabayo'. Ito ang mga katagang sinabi ni Vice Ganda sa mga housemates ng Pinoy Big Brother noong Lunes upang sila ay maliwanagan para tanggapin ang kanilang mga imperfections.



Sa confession room. ipinaliwanag ng 'It's Showtime' co-host kay Big Brother na siya ay talagang bumilib sa housemate na si Fifth Pagotan ng kanyang aminin na isa siyang bisexual sa nakaraang episode ng PBB kaya siya ay nagagalak na ma-meet si Fifth para bigyan niya ito ng suporta at words of encouragement.

Vice Ganda Inside PBB house
Courtesy of Michael Howard
https://www.flickr.com/photos/michaelhoward836/
Direct URL of image: https://www.flickr.com/photos/michaelhoward836/14528180177/
License: https://creativecommons.org/licenses/by/2.0/legalcode

Si Vice ay binigyan ni Big Brother ng task para turuan ang mga housemates na sayawin ang dance steps ng kanyang sikat na kantang 'Boom Panes', kung saan saad ni Vice na angkop na angkop ang mensahe ng kanyang kanta para sa mga natirang housemates sa loob ng bahay ni Kuya.

Ang kanta ayon kay Vice ay tungkol sa pagiging komportable ng isang tao sa kanyang mga imperfections at para maging totoo sa kanyang sarili.

Sa living room, ibinahagi ni Vice sa mga housemates na lagi siyang tinutukso na mukhang kabayo. Sinabi niyang siya ay nasasaktan noon pero napagaralan niya itong tanggapin at ginamit sa magandang paraan, kung saan isa itong dahilan para marating niya ang kanyang estado ngayon sa buhay.