Cute Kids Invade Pinoy Big Brother House (PBB All In)

Ang mga Pinoy Big Brother housemates ay mapapasabak sa isang kakaibang challenge sa pagpasok ng ilang mga bata para turuan nila ng nursery rhyme bago matapos ang linggong ito.

Kids invade PBB house
Courtesy of Dane Alegana
https://www.flickr.com/photos/danealegana/
Direct URL of image: https://www.flickr.com/photos/danealegana/14369139919/
License: https://creativecommons.org/licenses/by/2.0/legalcode

Sa episode ng reality show noong July 1, limang bata ang sinalubong ng kanilang mga naatasang mga guardian sa loob ng PBB house.

Si Vickie Rushton at Daniel Matsunaga ay naatasang alagaan ang limang taong gulang na si Miguel, si Joshua Garcia at Jane Oineza ay naatasan sa limang taong gulang na si Tino, habang ang apat na taong gulang na si Alonzo ay aalagaan naman ni Loisa Andalio at Fourth Pagotan.

Samantala, si Mariz Racal at Fifth Pagotan naman ay naatasan para sa apat na taong gulang na si Reese at ang panghuli ay ang nagbabalik na limang taong gulang na si Bree, kung saan nag-guest na siya sa Teen Edition ng Pinoy Big Brother kamakailan, at naatasang alagaan ni Manolo Pedrosa at Cheridel Alejandrino.

Ang mga housemates ay sobrang excited sa mga munti nilang bisita pero hindi nila inaasahang malilikot at hyper ang mga ito, katulad na lang ng walang kapagurang si Miguel kung saan hinahabol siya palagi ni Daniel at Vickie.

Samantalang iba ang epekto ng mga bata sa loob ng PBB house para kay Cheridel, kung saan sa nakaraang episode ay umiyak siya dahil namimiss na niya ang kanyang kaisa-isang anak.