Fourth Pagotan Cries Over Twin Brother Fifth Pagotan's Bisexual Confession

Ang Pinoy Big Brother housemate na si Fourth Pagotan ay sumumpa na susuportahan niya ang kanyang kambal na kapatid na si Fifth Pagotan pagkatapos nitong umamin tungkol sa kanyang pagkatao.



Sa episode ng reality show na ipinalabas noong Biyernes, ang bente dos anyos na si Fourth ay naging emosyonal habang siya ay umaamin kay Big Brother sa mga nararamdaman niya tungkol sa pag-amin ni Fifth na siya ay isang bisexual.

Sinabi ni Fourth na alam na niya ang tungkol sa pagkataong ito ni Fifth noong high school pa lamang sila.

Fourth Pagotan Cries in PBB over Fifth's bisexual confession
Courtesy of Sara Abend
https://www.flickr.com/photos/saraabend/
Direct URL of image: https://www.flickr.com/photos/saraabend/14687402422/
License: https://creativecommons.org/licenses/by/2.0/legalcode

Saad niya na hindi direktang sinabi ito ni Fifth sa kanya, kundi nalaman niya lang ng aksidente.

Diin ni Fourth na wala siyang pakialam kahit ano pa man ang gusto ng kanyang kakambal at nasa likod lang siya para suportahan ito kung saan siya masaya.

Sumagot si Fourth na tanggap na niya ang kanyang kapatid ng tanungin siya ni Big Brother tungkol dito pero hindi niya napigilang mapaluha ng sabihin niya ang kanyang mga ikinatatakot na maaaring mangyari paglabas nila ng PBB house.