Isabel Oli And Gretchen Ho Pranks Their Respective Boyfriends John Prats And Robi Domingo (PBB All In)

Ang aktres na si Isabel Oli at ang volleyball player na si Gretchen Ho ay bumisita sa set ng Pinoy Big Brother noong Martes para sunduin ang kanilang mga boyfriend na sina John Prats at Robi Domingo, pagkatapos mag-stay ng dalawang co-host bilang house guest sa PBB house ng dalawang araw.

Isabel Oli and Gretchen Ho inside PBB house
Courtesy of Michael Howard
https://www.flickr.com/photos/michaelhoward836/
Direct URL of image: https://www.flickr.com/photos/michaelhoward836/14672899095/
License: https://creativecommons.org/licenses/by/2.0/legalcode

Nagulat si John at Robi ng maabutan nila ang kanilang mga girlfriend sa set ng Ubertime pagkatapos nilang lumabas ng bahay ni Kuya.

Ilang sandali lang pagkatapos nilang ma-reunite sa kanilang mga girlfriend, in-announced ng Ubertime co-host na si Slater Young at Joj at Jai Agpangan na papasok sina Isabel at Gretchen sa PBB house bilang mga housemates.

Hindi makapaniwala sina John at Robi pero ipinaliwanag ni Slater na isinakripisyo nina Isabel at Gretchen ang kanilang mga sarili para makalabas sina John at Robi ng mas maaga. Dagdag pa ni Slater na nag-assign na ng task si Big Brother para sa kanilang mga girlfriend.

Sina John at Robi ay na-shocked at sila ay nakapagsalita lamang ng mapanood ang mga ilang scenes sa loob ng PBB house.

Pagkatapos ng sampung minutong interview nina John at Robi tungkol sa pag-stay nila sa loob ng PBB house bilang house guest, ang kanilang mga girlfriend ay binati ng mga Agpangan twins sa pagbabalik nilang muli sa outside world.

Sina Gretchen at Isabel ay humahalakhak ng todo habang ipinaliwanag sa kanilang mga boyfriend na ang kanilang pagpasok sa loob ng bahay ni Kuya ay isang biro lamang.