Loisa Andalio's Dad Asks For Forgiveness In 'Pinoy Big Brother: All In'

Ang dalawang pinakabatang housemates sa 'Pinoy Big Brother All In' na sina Loisa Andalio at Maris Racal ay nagkaroon ng emosyonal na pagtatagpo kasama ang kanilang mga ama para mapagusapan at maklaro ang ilang concerns tungkol sa kanilang mga pamilya.



Sa episode ng reality show na ipinalabas noong Lunes, sina Loisa at Maris ay kinailangang matapos muna ang isang task sa activity area para makita ang kanilang mga ama at magkaroon ng pagkakataon na malaman ang kasagutan sa tanong na matagal na nilang gustong itanong.

Loisa Andalio With Father In PBB
Courtesy of Michael Howard
https://www.flickr.com/photos/michaelhoward836/
Direct URL of image: https://www.flickr.com/photos/michaelhoward836/14964289822/
License: https://creativecommons.org/licenses/by/2.0/legalcode

Si Loisa ang unang sumalubong sa kanyang amang si Leo at direktang tinanong kung mahal pa ba ng kanyang ama ang kanyang ina. Sagot ni Leo na mahal pa niya ang ina Loisa pero nagkaproblema sila dahil sa age gap. Ang pinakamatinding rason ayon kay Leo ay dahil sa kanyang insecurity tungkol sa di pagkakaroon ng trabaho at di maibigay ang pangangailangan ng kanyang pamilya.

Inamin ni Leo na hindi niya nagawan ng tamang paraan ang sitwasyon na iyon at sinabi kay Loisa na ayaw niyang mangyari sa kanya ang sinapit ng kanilang pamilya pagdating ng araw na siya ay magkakapamilya na rin.

Humingi ng tawad si Leo sa anak na si Loisa at humingi rin ng tawad si Loisa sa ama dahil sa pagsagot ng walang respeto at pagsabi ng mga masasakit na salita sa ama.

Bago umalis ng PBB house si Leo, binigyan niya si Loisa ng necklace na may cross bilang pendant at sinabing huwag niyang kalimutang laging magdasal sa Diyos.