Kris Aquino Grills Vickie Rushton In Front Of Daniel Matsunaga On 'Kris TV'

Ang mga dating 'Pinoy Big Brother' housemates na sina Daniel Matsunaga at Vickie Rushton na nalink sa loob ng bahay ni kuya ay tinanong ni Kris Aquino sa Kris TV noong Biyernes para maklaro ang isyung ito.



Ang Big Winner ng reality show na si Daniel ay halatang nailang ng direktang tinanong ni Kris si Vickie kung mayroon nga ba siyang nararamdaman sa Brazilian-Japanese model.

Vickie Rushton And Daniel Matsunaga on Kris TV
Courtesy of Dane Alegana
https://www.flickr.com/photos/danealegana/
Direct URL of image: https://www.flickr.com/photos/danealegana/14891178358/
License: https://creativecommons.org/licenses/by/2.0/legalcode

Sagot ni Vickie na friends lang naman daw talaga sila at talagang sweet lang naman daw talaga si Daniel hindi lang sa kanya. Masyado lang kasi itong naging isyu ng tinukso sila ng mga ibang housemates.

Inamin din ng bente uno anyos na dating pageant contestant na inaayos pa nila ng kanyang boyfriend na si Jason Abalos ang ilang isyu na lumabas sa apat na buwan niyang pamamalagi sa PBB house, lalo na ang tungkol sa pagkakalink niya kay Daniel, kung saan sinabi ni Vickie sa interview niya sa Aquino and Abunda Tonight noong Huwebes na nasaktan si Jason tungkol sa isyung iyon.

Sinabi naman ni Daniel na nirerespeto niya ang relasyon ni Vickie at Jason. Saad din niyang wala siyang nararamdaman para kay Vickie at kailangan niyang dumistansiya para hindi na lumala pa ang nangyayari sa relasyon nila.