Marian Rivera Tops FHM's Sexiest Women In The Philippines 2014

Inihayag ng men's magazine na FHM noong Biyernes ang resulta ng kanilang taunang 'Sexiest Women in the Philippines' poll kung saan mahigit kumulang 13 million na boto ang dumating.

Marian Rivera at FHM Sexiest Party
Courtesy of Dane Alegana
https://www.flickr.com/photos/danealegana/
Direct URL of image: https://www.flickr.com/photos/danealegana/14496160266/
License: https://creativecommons.org/licenses/by/2.0/legalcode

Ang number one sa listahan sa pangatlong pagkakataon ay si Marian Rivera na nakakalap ng 1.5 million na boto.

Nagpasalamat ang bente nuwebe anyos na aktres sa mga bumoto sa kanya sa pamamagitan ng Instagram pagkatapos ng anunsiyo.

Pumapangalawa naman sa listahan si Sam Pinto na nakakalap ng 1.4 million votes. Si Sam ay suki na rin ng FHM's Sexiest list magmula pa noong 2011 kung saan siya ay nangunguna o pumapangalawa sa listahan.

Ang pangatlo sa listahan ay si Angel Locsin na nakakalap ng 1 million votes. Pang-apat naman si Jennylyn Mercado na may 980,000 votes at panglima si Cristine Reyes na may 850,000 votes.

Ang buong listahan ng FHM 100 Sexiest Women in the World 2014 ay lalabas kasama ng July 2014 issue ng magazine.