Ellen Adarna Said She's Flattered When People Call Her 'Pantasya Ng Mga Kalalakihan'

Ellen Adarna on Aquino & Abunda Tonight
Courtesy of Dane Alegana
https://www.flickr.com/photos/danealegana/
Direct URL of image: https://www.flickr.com/photos/danealegana/14223675190/
License: https://creativecommons.org/licenses/by/2.0/legalcode

Sinabi ng sexy actress at glamour model na si Ellen Adarna na hindi siya nababahala kapag sinasabihan siya ng madla bilang 'pantasya ng mga kalalakihan'.

Sa panayam niya sa 'Aquino & Abunda Tonight' noong Huwebes ng gabi, sinabi ni Ellen na she's flattered kapag nasasabihan siya na sexy. Kasi lahat naman daw ng ginagawa niya ay trabaho lang. Kung anong nakikita nila sa kanya sa telebisyon, magazine at kung ano pa ay walang iba kundi kasama lamang sa trabaho niya. Kung tutuusin, sinabi niya na isa lamang siyang batang yagit pagdating sa bahay, at kahit pa sa set nakapaa lang daw siya at very laid back. Dagdag pa niya, lumaki siya sa Cebu kaya siya ay isang probinsiyana na walang pakialam.

Sinabi rin ni Ellen na laki siya sa isang 'liberated' na pamilya.

Nang tanungin siya tungkol sa reaksiyon ng kanyang boyfriend tungkol sa viral workout video niya, sinabi ni Adarna na wala daw itong pakialam. Yung video daw ay for fun lang at ang gumawa ay isa daw sa mga kaibigan ni Ellen para sa isang project for film school. Hindi daw nila inexpect na magiging viral yung project.

Pinabulaanan din ni Ellen ang tsismis na kaya daw niyang iwan ang boyfriend para sa fellow 'Moon of Desire' star na si JC De Vera.

Samantala, inamin ni Ellen na childhood dream niyang i-adopt siya ni Kris Aquino. Ang rason daw ay sa tingin niya kasi ay napaka bongga ni Kris.